بحبك يا مصر.../ بقلم/ وليد المالكي

أنا المصري ...
حبيبتي يا مصر
في عيونك لمحت الضي
وإن حكيت ما كفاني حي يا أغلى درة
 يا أم الخدود الخضر ... بحبك يا مصر

~~~~~~~~~

انا الإنجيل مع الأزهر
 و انا الدم اللي ما يُقهر

انا جندي وعاش الدهر

وطول عمري ولد ماهر

اخطّي الصعب ادفع مهر

انا بحُبك مالك قصر

اعادي الظلم ويا القهر

ولما أَأْذن أشق الصّخر

واشيلك في عيوني العمر

و ادفعلك دمي أنا مهر

انا شهيدك الصادق

وعاش يُرزق لآخر الدهر

انا بحب يا مصر ………

انا الشاعر في تقويلك

وضوء قمحاية في جيدك

انا المنديل في ايد سومة

وبسماية قلبي مرسومة

الكلمة عندي محسومة

لنبتاية في عمر موسومة

يا مصر يا حب مرسايا

يا شمس اصيلة جوايا

رضاكِ عندي أنا غاية

وخيرك عسل مأوايا

أنا نبتك انا زرعك

أنا هواكِ ومرايتك

أنا اِبنك و ظلايتك

والحرف اللي في حكايتك

أنا ... بحبك يا مصر