رحلة .. بقلم / صبري علي
طريق طويل,وقاسى'والخطوة فيه بارحة ..
فيه اليوم زى بكرة, و بعده , وامبارحة ..
فيه قلب كان بيحاول ' يستطعم الفرحة ..
قابل كتير أحزان ' قابل قلوب جارحة ..
وجوه كتير عابسة , ووجوه كتير كالحة ..
وناس كتير هادية , وناس كتير طايحة ..
وفيه روايح ألم , وذكريات فايحة ..
على الشّمال جدول ' الميّة فيه مالحة ..
و ع اليمين أشواك كانت للألم' شارحة ..
وفيه سحب,و غيوم,وفيه نيران سارحة.
*****
حانت منّى التفاتة' وانتي هناك' سارحة ..
لمحت قبّة عينيكى ' كانت يا دوب لمحة ..
وشفت طرف التّوب , وحتّة م الطرحة ..
نظرة سريعة فرّعت ' عناقيد أمل طارحة .!
من مدّة ما رأتشي ' وشوش' كتير سمحة .!
وكام فراشة ملوّنة '... طايرة من الفرحة .!
وشمسنا طالعة,...... ويّا النّسيم' فسحة .!
والبدر محراب نور , أمّا النّجوم ' سبحة .!
قام قلبى رفرف فى جنبى'قلت له : "إهدى..
دا احنا ف طريق جاى , وهىّ ف طريق ..... رايحة .!!
صبري على
ليست هناك تعليقات:
إرسال تعليق