الصغير
المتحير وحسانين المستريح
صباح الخير يا صغير ... مالك زعلان وشايفك متحير. .........
ومالك مش عاوز تصبح وكمان شكلك اتغير. ......................
سيبني في حالي يا حسانين الدنيا بقت زفت وطعمها مرر .....
علي إيه كل ده يا صغير .. وحد ياراجل وقولي مالك متغير. ..
يا حسانين إنت مستوره معاك لا عايل هم ولا حتى بتفكر. .....
أفكر في إيه يا حزين ما الدنيا حلوه وادينا عايشين. ..........
انت يا حسانين وامثالك عايشين وبينا إحنا مش حاسين. .....
وأنا واللي زيي يا حسانين بالحيا ميتين ..............
واه يا صغير كلنا مرتاحين وكبيرنا بيخطط ويفكر. ..............
أيوه يا حسانين بأمارة ما غلا السكر. ................................
سكر إيه يا مجنون..................................................
انت عاوز الكبير في سنتين يقول للشئ كن فيكون. .............
يا حسانين اعمل معروف دحنا تلاتين سنه مطحونين. ..........
وفرحنا بالكبير وقلنا هيبحبحها ويخلينا مرتاحين. ..............
قوم بسلامته ينيلها ويخليها طين. ..................................
واه يا صغير اوعي يا واكلهم تكون أخواني. ....................
ولا تكون تبع فصيل تاني. ...........................................
يا عم لا فصيل ولا إخواني الله يهديك يا حسانين .............
هو أنا لو إخواني مش كان زماني مع المعتقلين. ................
اومال مالك يا صغير حاقد ع الكبير. ...............................
وعاوز من الدنيا كلها تطير. ...........................................
يا عم حسانين اسكت متحبسنيش. .................................
انا لا بكره الكبير ولا حتي الرئيس متورطنيش ...................
انا بس ضاقت معاي والحال معجبنيش. ...........................
وايه إللي مش عاجبك يا عم صغير. ................................
يا حسانين أنا قولت بعد الثورة كل حاجه هتتغير. ............
اتاريه إللي ميرضاش بالكف ياخد النبوت. .......................
ادمرت يا حسانين البيوت. ...........................................
إزاي يا صغير والكبير عملنا قناة السويس. ........................
يا حسانين دي معموله عشان يربوا فيها بط كفايه تدليس. ....
حتي البط هما إللي هيكلوه إحنا يدوب بس وهو بيعوم هنشفوه.
................................................................
طب يا صغير والكام ألف وحده سكنيه. .........................
دول صح يا عم حسانين جاني منهم شاليه وعماره ف العامريه.
..........................................................
هما فين دول يا عم حسانين. ...............................
إحنا نسمع عنهم بس لكن مشفتهمش العين. ......................
طب يا صغير والكام ألف فدان إللي استصلحوهم ف الصحره
يا عم حسانين دا إللي كان معاه مزرعه من بعد ما شقي فيها دمروها وعينوا عليها عغفره
...............
مش تقولي استصلحوا أرض في الصحره. ..................
طيب يا حزين والطرق إللي عملوها. .......................
يا عم حسانين دا كل يوم فيه حادثه دول خربوها. ..........
طب والتموين إللي زوده للناس. ......................
يا حسانين دول ضحكوا علينا كام شهر وبعدين حطونا تحت المداس.
....................................
إزاي يا صغير. ..................
أقولك إزاي أسمع وقدر. .........................
من 4 جنيه صبح ب 8 السكر. .....................
واللحمه كنا بناكلها كل شهر مره وكانت بربعين. .....
كتر خيره عشان منكلش ونوفر خلاها بتسعين. ...........
سيبني يا حسانين أنا مهموم وحزين. .........
البيضه صبحت بجنيه وبتنين جنيه البنزين. .........
ولو فضفضنا من غلبنا بكلمتين نبص نلاقي نفسنا معتقلين. .
يا يقولوا علينا إخوان جواسيس مش فاهمين. ........
نصرخ ونقول مش إخوان إحنا المساكين. ..............
حتي المواصلات بقت زفت والحياه طين. ...........
واللي زيك يا حسانين يطبلوا وبينا مش حاسين. .....
احترم نفسك يا صغير وشوف بتكلم مين. .............
هو إحنا يا حسانين مش محسوبين عليه. .................
دا حتي فاتورة الكهربا ياخي مركب لمبه وآخر الشهر 200 جنيه. ......................
وحاجات كتيره لو حكيتها مخلصناش. .....
عرفت ليه أنا زعلان والضحكه معرفهاش. .....
خلاص يا صغير خليت دمعتي سالت. .......
مسيرها تتعدل مهما قست أو طالت. ...........
المهم مصرنا تفضل رايتها بترفرف في العلالي. ......
وعشان متتحبسش يا صغير قول تسلم الأيادي. .....
وتسلم الداخلية ويسلم جيش بلادي. .............
حوار من وحي الخيال تأليف / ممدوح حجاجي محمد
30/8/2016
ليست هناك تعليقات:
إرسال تعليق