قصيدة ( ترانيم وآدان )
بقلمي / هدى سيد
٢٠١٦/١٢/١٣
صوت الاذان
جوه الكنيسة بتحضنه
ترانيم صلاة
جوة المساجد تسمعه
مسلم بيحمى بقلبه جار
من غدر تفجير وإنفجار
والآية أوام بتتعكس
ميشيل وبطرس والأيادى
مشبكة
بيحموا محمد ويا أحمد
فى الصلاة
وبجسمهم بيكونوا متاريس
للعدا
حراس على كل الجوامع
فى البلد
موتوا يا خونة ب غلكم
مهما عملتوا مستحيل
هتنجحوا
تفكوا غزل نسيج معشق
ف القلوب
فنصيحة منا ما تحاولوش
ع الفرقة بينا ما تقدروش
احنا اللى بينا نسب وصهر
عمره ف يوم ما ينصهر
واللى يحاول يلمسه راح
ينقهر
لكن اللى بين فاطمة ومارينا
صداقة دامت من سنين
قويت على مر السنين برباط
متين
ما لهاش علاقة ب ملة او حتى
ب دين
اللى رابطهم كلمة من خمس
حروف
ألف وخاء وتاء وياء ومعاها
نون
جرس الكنيسة وصوت أدان
دول هما مصر وشعبها مهما
يدور بينا الزمان
ليست هناك تعليقات:
إرسال تعليق