قرار رحيلى ...
بقلم : شيماء الدالي
………………
هاخد قرار رحيلى
هبدأ خلاص البعد
هقول للوحده تجيلى
وهحطم اى وعد
همحى كل الخيوط
هقطع الود المربوط
القلب هيتجمد
والمشاعر تتبلد
حتى الاشواق هتموت
كيانى اصبح متهان
وحسه بقلبى جبان
جوا نفسى حجات
صراع واصوات عتاب
حرب من كل الاتجاهات
واوجاع نتيجه حساب
بالرغم القرب بيسعدنى
ومعانى الحب بتوجدنى
هينطفى نورى
وهلغى حضورى
وهقول لدنيته تبعدنى
قرب قلوبنا لينا جريمه
ضعف ونهايته هزيمه
تفاصيله ع الضلوع مكتوبه
وبصمته جوايا محفوره
برغم الدموع والصعوبه
هرجع لمملكتى المهجوره
# بقلم : شيماء الدالى #
ليست هناك تعليقات:
إرسال تعليق