موجة في بحر ...
بقلم / طارق عطية
…………………
نساني موج البحر
مرساي و زماني
مرستش يوم ع.البر
تاه مني عنواني
خدني ....ورماني لفوق
من غير شراع ولا طوق
وراني....... نجمة شوق
نسيتني أحزاني.
وبقيت خايفة النجمة تعدي
ولا الموجة في بحري تهدي
ماهي دنيا بتاخد.. ما بتدي
وكلي ظنون
ياما عدت بقلوب.... غرقانة
موجة وشايلة الحزن معانا
شيلاها بإخلاص..... وأمانة
بقلب حنون.
مش معني القلب اللي أختاره
وسط الموج.. يحكيلوا أسراره
لو قابلوا الأحزان....... يتداروا
مش ده جنون.
غرقانة وماسكة... في اشاية
مش لاقية غير الموجة معايا
ليه يا قلبي ..حتعملها حكاية
ليه حتخون.
طارق عطية....شعر غنائي
ليست هناك تعليقات:
إرسال تعليق