سجال ابداعي للشاعر الكبير حسن عمران

مشاركة الشاعر الكبير الاستاذ / حسن عمران 

في السجال الذي أقيم على موقع شعراء الجيل  بتاريخ 1/ 8/2016  .. وأبيات شعرية من أبدع ما يكون .. تحياتي للأستاذ حسن .

.

حسن عمران 

طول عمري أحب الوصال

والهجر مش طبعي

وغياب حبيبي ان طال..

ولا يبقي يوم تبعي..

أنساه ودوغري أقول.. 

ده حبيب ومش مسئول

وعذابي به ح يطول..

ولا يستاهل دمعي.

أغاني كتير عن الهجران..

 وثومه دوبت قلبي..

 غصبت روحي ع الهجران..

وانت هواك يجري ف دمي..

 يعني اللي كتبوا.. وغنوا زمان..

 كانوا حاسين بيوم همي

الهجر هو الأسي..

 وعذابه بيعلم..

 ومين ف هجره رسي؟!..

 من غير ما يتألم؟!

 يارب ديم اللقا.. 

وديم محبة وتقي..

 وديم علينا الرؤي.. 

إن اللقا يسلم.

الهجر فكره قديمه..  

قدم التاريخ كله.. 

شوفوا الطيور الحكيمة..

بيهاجروا ويحلوا.. 

ف مكان دفة جواه.. 

والطير وليفه معاه.. 

من غيره يشكي الآه..

  ومعاه كما ضله.

طول عمري احب الوداد..

 والهجر يقتلني..

 والهجر عكس الفؤاد..

 والعين والنني..

 مين عاش معاه م العباد..

 سعيد ومتهني..

 ده الوصل أصل المراد..

 وبعده يحزني.

ياعيني عاللي اتهجر..

 هجره يادوب لساعات.. 

وحكم عليه القدر..

 بقي ف العذاب بيبات..

 سهران يناجي حبيبه.. 

ومنين ياناس يجيبه..

 ويلاقي بخته ونصيبه.. 

بعد العذاب اللي فات.

أشكي لمين الفراق.. 

وانامنه أنا بأسي..

 جلبي ياناس مشتاق.. 

وحبيبي ماهو راسي.

. حير جليبي معاه.. 

وساب لي آه علي آه.. 

ماطيلش لحظه أنساه..

 وياريت أكون ناسي.

كفاية كده وانا مهاجر..

كتابنا كتير وانا فاكر.

حنكتب أيه كمان وكمان.. 

كفاية كده من الأخر.

من سيجال أمس مع الشاعر الكبير ناصر علي والشاعر الكبير أيمن خليل بشعراء الجيل