نفسي
الشاعر/ممدوح حجاجي محمد علي
أنا بس نفسي لحظه انساكي واطلعك من وجداني. ..............
نفسي مره أنام ومشفكيش في أحلامي. ............................
نفسي
نفسي اصحا أفتح عيني وملقاش طيفك قدامي. .................
نفسى امسحك من ذاكرتي من قلبي من أيامي. ...................
نفسي
نفسي امحو صورتك من خيالي..................................................
وابطل أفكر فيكي وابطل اسهر الليالي. ...................
نفسي
وبرغم إنك بعتي وجرحتي ومزقتي فؤادي .......................
وأنا إللي عشانك فت أهلى وصحابي وبلادي ......................
إلا إني برضوا مش قادر انساكي. .....................................
بس نفسي أنسي حبك والعن هواكي. ...............................
نفسي
لكن إزاي أنسي لمسة اديكي. ..........................................
ولا أنسي نظرة ملكت قلبي من عنيكي. .............................
وده كله لو كان عادي ومش همني. ..................................
أنسي إزاي حضن دافي ضمني. .......................................
مش حرام ملكتي قلبي ورجعتي تهجري. ..........................
وأنا إللي كنت حضن دافي ليكي ....................................
وكنت بقلك بس إنتي شاوري وأمري. ...............................
مكنتش أفكر يوم إنك ممكن تغدري. ................................
كان نفسي قبل ما اعشقك اقول لنفسي اوعي تعشقي. .........
نفسي
أنا بتعذب ف بعادك يا تري حزينه إنتي ولا بتمرحي. ............
ولا عادي عندك اتعذب أنا وانتي تجرحي. ..........................
نفسي بس اعرف إزاي هان عليكي حبي. ...........................
إزاي سبتيني أمشي وحدي ف دربي. ..............................
نفسي
نفسي انساكي ولو كان التمن جرح قلبي. .... . ............... ..
نفسي امحو الدمع من عيني وعلي خدي. ....... .............
نفسى
نفسي أبطل اسرح فيكي وأسمع صوتك بينادي. ..................
نفسي اكرهك ويصبح بعدك عندي شئ عادي. ....................
نفسي
بس الظاهر وبرغم هجرك ملكتي روحي. ..........................
وإني مش هقدر انساكي غير بطلوع روحي. ......................
ملكتي روحي وازاي بس انساكي. ...................................
نفسي اتوه وفارق وطني وانسي هواكي. ..........................
نفسي أنسي كل لحظه عشتها معاكي. ..............................
نفسي
شعر / ممدوح حجاجي محمد علي
يوم / الثلاثاء
الموافق/ 9/8/2016
الساعة السادسة صباحا
.
ليست هناك تعليقات:
إرسال تعليق