جايز يكون هو الهمام
للشاعر / محمد البلاط
شاعر وأمي بين غيلان
عايز يحدد له مكان
جهلة فى مسكت القلم
لكن الفصاحة فى اللسان
مايهمهوش شكل الحروف
او ايه يكون صح وغلط
بسيط وأمي بدون كسوف
لكن كلامي من الزلط
ساعت ما تجهز على
الرفوف كلمة تهني بالعبط
بلسم اكون للطيبين
عمرى ما احب الحوط
شاعر وأمي وفي الحروف
ممكن يكون فيها الغلط
لكن المهم اللى يشوف
لو كان ذكى صح وولد
يفهم حقيقة مقصدي
أمي يحاول يتولد
ما تردهوش داخل الرحم
يمكن يكون هو الاسد
كم من فحول صبحوا
نجوم بدون شهادة ولا قلم
بس الكلام . نطقه اللسان
شهدوا الائمه انه امام
لو على الشهايد على الرصيف
منقوش منها على الرخام
تاخد محدش يسألك
ولا يقولك ده بكام
العبرة مش المسأله
العبرة فيها الصافي كاام
شاعر وأمي بيتولد
ماتردهوش داخل الرحم
جايز يكون هو الهمام
ليست هناك تعليقات:
إرسال تعليق