مانيش ع البال
احمد صبري
مانيش ع البال
ولا جه في بالك
تتعب حالك
ولو بسؤال
مانيش ع البال
إخلاصي ليك
إحساسي بيك
زي الخيال
ناسيني
قولي اْعمل إيه
وليه قلبك يجافيني
سايبني
ليلي اْسهر فيه
وسايب لي دموع عيني
مافكرتش في اْي كلام
مافصرتش انا الاحلام
ماقصرتش حنين وغرام
ولا يمكن دوام الحال
مانيش ع البال
كنت بتمناك
ماكنتش عارف إني
هايجي يوم اْنساك
كنت بستناك
اْتاريك قاسي وبايعني
ومعلقني بهواك
اْتاري مشاعرك الغايبة
حبالها في الهوا دايبة
وواخدة الحنان جايبة
حرمان وقسى وهلاك
هويت لكن ماتستاهل
رميت اْحلامي بالساهل
وعشقك اللي كان قاتل
كان جوايا بس إتشال
مانيش ع البال
احمد صبري
ليست هناك تعليقات:
إرسال تعليق