قصيدة (( الأنسحاب ))
الشاعر عاطف عمر
الزمن ضحك علينا ....لما خد البسمه منا.
كان يزهزه بين عينينا...كان سرقنا.....سِنه...سِنه.
أذكر انى ....فى يوم صحيت على صوت بكاء.
يومها حسيت ان عمرى .....راح سدى.
مين هيقرأ...ومين هيسمع ...ومين هيلبي الندا
كان كلام مدهون بزبدة ...او كلام ساعة رضا.
فاكر.......
فاكر انت......
لما كنت اهرب من العالم بحاله....وأجيلك انت.
كنت ساعتها بحبك انت....وروحى انت.
لما صعبت عليه نفسي....ونفسي انت.
لما دوبت الدموع جفن السنين .أقول لمين غيرك انت.
وانت نفسي.....وفيك محاسنى ...أيوه انت.
كنا بنحس بوجودنا...من بعيد.
كنت آشوف..يوم عيد ميلادك ...ألف عيد.
كنت ببقا معاك سعيد...
كل يوم بيعدى بيه....كنت أحبك من جديد.
الضحكة راحت م الوشوش.
مش باقي منها...غير أثر حواجب وحبة رموش.
حتى الشفايف...أتلونت بألوان فاشوش.
الأنسحاب....الأنسحاب..
تتركني ....مش هو العقاب.
ولا عظمي ....يأكله التراب.
مش هبكى على مفقود.....وغاب.
ولا هنسي يوم أسود هباب.
معاك....
معاك ....وصلت الى السحاب.
ومعاك.....دفنت فى التراب.
الأنسحاب.....الأنسحاب
الشاعر عاطف عمر
ليست هناك تعليقات:
إرسال تعليق