الواد علاء ...
بقلم / محمد
الرومانسي الواد علاء
اللي عاشق ذكرياته
وحياته كاتبها فيلم
غَنَّى قلبه اغنياته
لَمَّا قابلها ف مره
وشها الجمال يزينه
استيراد الحلوه بره
دخلت الحلوه الكازينو
شافها قلبه راح مشاور
ع الكراسي الْ ب تعاكسها
لَمَّا قعدت راح محاور
وَعَبَّى فهلوته ف كيسها
ونادى على ام الكراسي
الاميره دي اميرتي
شَعْر دهبي وخَد ماسي
ياجنوني آه ياحيرتي
طَيَّرَت م المخ بُرجي
تركيبتها ولون عيونها
قايله ابوها جواهرجي
واخده م الصنعه فنونها
قَرَّبِلها وقال علاء
اسمي من ساعة ولادتي
شَعْشَع ف عينها الضياء
قال يااميرة الحُسن انتي
اسمك ايه وسط الملايكه؟
ياعلاء قالتله حِشري
قصتي سلكه شايكه
قاللها نتغدى كُشري
انا مؤلف كبير
وادَّى ليها هو قصه
كان رومانسي وواد امير
بَصَّت الجميله بَصه
وفرحة العيون لاحظها
اسمه كان ع الغلاف
والبنات هو حافظها
قلبها للقصه لاف
اسمها (الحب المميت)
هي ضحكت ب لطافه
قالت القصه ياريت
تبقى ف قصور الثقافه
قصه بجد جميله
انا قريتها كتير
انت اخلاقك نبيله
انا آسفه ياأمير
ساعة اول المقابله
انا مدام ليلى انسي
قاللها شكراً ياابله
انا ما اطلعتش رومانسي
نظرتي مش ب عاده
تخونني هي ف الغرام
جنسكم عايز إباده
يااللي قولتيلي مدام
كنت فاكرك لسه بنت
والحياه حابه المشاكس
مشيت وقالتله بنت
ياللي جاي اصلا تعاكس
خد كتابك يامزَوِّر
المؤلف عارفاه تمام
انت حتة واد مُصَوِّر
كنت مره والسلام
ياللي شايف البنت سلعه
ذكريات صورك ف كاميرا
وَهْم هي وألف خدعه
لو هتخدع ألف قمره
عارفه حكايتك وفاء
وسعاد والبنت نانسي
مش رومانسي ياعلاء
ف الحياه تايه ومنسي
#محمد
ليست هناك تعليقات:
إرسال تعليق