الفيس تواصل ...
بقلم / محمد عبد الرحيم
بما إن الفيس تواصل
هو شاف منشوراتها
ع الجروب وع الإيميل
واخَدِت الإعجاب صورتها
اللي هي مش حقيقي
وفَكَّر ف طلب الصداقه
وقال هَكَمِّل ف طريقي
لازم اعمل لي علاقه
هي وافقت ثم اسمك
قال لها ف المحادثه
ثم كُلِّيتك وقِسْمِك
خريجه انتي ولا دارسه
ف العلوم جوهرها فالصو
ثم ضِحْكه ثم صورته
ثم لآخر الليل ونُصُّه
ثم يعرض ليها شورته
ع الماسنجر كلميني
ثم قالتله ثواني
امي ماشيه وانت عيني
رايحه اشوفها وجايه تاني
ثم همسه ثم فيديو
صوت وصوره
ثم لمسه بيها رضيوا
والغرام كان ماتش كوره
بينهم وحصل اللي هو
حَرَّمُه ديننا الحنيف
دخلوا ف الملعب بقوه
والشرف ما بقاش شريف
ثم قالِّلها المقابله
هي افضل حل لينا
انتي بالنسبالي عبله
وانا عنتر ف المدينه
رفَضَت وراح هو سابها
تُقْل منه مش دا أكتر
والدموع نازله ف لابها
بَلِّت العين ويَّا عنتر
لَمَّا كتبتله رساله
إني ياعنتر موافقه
حالتي من بعدك دي حاله
صَدِّق إني مش منافقه
فَتَح رسالتها هَنَّى
قلبه قايل ياد يابختك
وقال لها كفايه زَنَّه
وقالتله يابياختك
البس بسرعه تعالى
هتلاقيني ف الجنينه
لَمَّا قراالها الرساله
جِه لمامته قال يانينه
100 جنيه بس الْ اعزوها
م المحل هجيبلي جزمه
واللي حَلَّاها دي لوزها
ياابني قالت يبقى ازمه
انت ناوي ع الأذيه
ياضنايا بُكرَّه تندم
جزمتك ديه اللوزيه
لو غباره جاتها تقدم
وتتركن ع الرف ياابني
وفيها لازم يروح بريقها
انت تهدم كل مبني
سيبها ونَوَّر طريقها
قول لها امي وقالت
الحلال ياابني اللي باقي
والزهور لو مره مالت
شمها ما يكونشي راقي
قال يااما تُبْت وعلى ايدك
اخطبيلي أحلي جزمه
ف الحلال قالِّلها عيدك
فرحتي ويَّاكي لازمه
واتصل هو ب حبيبته
وقال لها آخر الكلام
إنَّهَا هتكون خطيبته
إمتى هيدوم الحرام؟!
كات دموعها تجري سيل
بَلِّت الخدود ب فرحه
والملف قد أُحِيل
للزفاف مختوم ب طرحه
#محمد
ليست هناك تعليقات:
إرسال تعليق