كلام شعر ...
بقلم / مصطفى قمر
~~~~~~~~~
كتبنا فيكى يامصر كلام
كلام شعر ورق وعلام
وشرحه طال مع الايام
كتبنا كتير وشطبنا
والف غدير مراكبنا
فيها بتسير بحبايبنا
مافيش ف الغير يواكبنا
يا ارض مخضره ترابنا
ونيلها الرب واهبنا
يا مصر يا حنة فى كعابنا
وزينه القطن فى تيابنا
ولون حصادك الدهبي
يا قمحى وكل ما عندى
ونكتب فيكى ما نكتب
ما يعجبناش وليه نشطب
ونرجع للكتاب نقلب
وكل كلامه هنرتب
واحيا نا كلام مرسل
بيمدح فيكى ويبجل
ويوصف ابنك المرجل
لوجدانى انا يشكل
ويجاوب قبل مانسال
وتاريخك عظيم اذهل
لكل لئيم عمل اهبل
وداس على طرف من توبك
لقاكى حرة من يومك
وعلميتيه فتح مندل
وساق فيها وعمل اهبل
وطمع فيكى رجع كسل
وشاف الذل واتبهدل
ونرجع نكتب من الاول
ونشطب ماضى عمناول
وييجى جديد وسطر فريد
لهمتنا ونهضتنا اكيد بيزيد
مصطفى قمر
ليست هناك تعليقات:
إرسال تعليق