يا دُنيا ...
بقلم / جاسر البيومي
يا دنُيا فيكِ البشر
أشكال على ألوان
فيكِ اللي ساكن قصر
واللي ملهوشي مكان
صاحبك يبيع عشرتك
إن جار عليك الزمان
وأخوك بيطمع في لقمتك
مع إنك فقير غلبان
مغرور والكبر بيمده
بكتير من الظلم والطغيان
ومسير المولى بيهده
مهما بنى بغروره من بيان
نَفّسه بقى بيعبدها ونسي
رب الفضل والإحسان
ورب الكون بدعيلك
تكون في يوم إنسان
دا مهما الدنيا تديلك
فانيه وملها أمان
ومهما الدنيا تحرمنا
ربك كريم منان
بيهدي الكفيف لطريقه
ويمحي كتير أحزان
بقلم / جاسر البيومي
ليست هناك تعليقات:
إرسال تعليق