نفسي ...
بقلم / محمد عميره
~~~~~~~~~~
نفسي اغير كل حياتي
نفسي اتمرد قوي علي ذاتي
والناس تسمع كل آهاتي
ليه باتوجع كدا علي طول
ليه انا رافض كل اﻵتي
واﻻ انا كده مش ابن اصول
هاتي يا دنيا وهاتي وهاتي
مش عايزين الجرح يطول
هوه دا عيب ف كياني وذاتي
واﻻ انا خايب او مسطول
يمكن اكون مش ﻻقي سماتي
وبدور عن شئ مجهول ؟
ليه الدنيا كدا معانداني
و الحظ ما هوش راضي يقول
ويقولوا الحظ اما يآتي !!
ﻻانا اعمي وﻻ هابقي ساعاتي
ﻻزم احس بكل ميزاتي
واحطم كل اﻻساطير
زي ما هاتمرد علي زاتي
عمري ما هايكون قلبي ذليل
راح اعيش انا ف العمر اﻵتي
واغير كل المناظير
بالحب هازود راسمالي
وهانفض قلبي بمواويل .
~~~~~~~~~
محمد عميره
ليست هناك تعليقات:
إرسال تعليق