حيرتيني
بقلم/ملكة_الصمت
لسّه بتداري فـ دموعك
عايشه طول الليل بطولك
بتفكري ليه فـ اللي فات
واللي قرر يبقي قاسي
واللي أصلًا ليكي ناسي
بتفكري فيه بالساعات ؟
___________________________
لسّه بتداري فـ دموعك
عايشه طول الليل بطولك
بتفكري ليه فـ اللي فات
واللي قرر يبقي قاسي
واللي أصلًا ليكي ناسي
بتفكري فيه بالساعات ؟
___________________________
لسّه كعادتك ..!
حابسه نفسك جوه أوضتك
بالساعات
عايشه مابين صور ك
ومابين بواقي الذكريات
كاتمه دمعك
رافضه إنك
تشكِي همك
بتتألمي مـن سُكات
والخوف معشش بين ضلوعك
مستسلمه ورافعه ليه راية خضوعك
والحقيقه رافضه إنك تسمعيها
ولسّه شاغله كل فِكرك
وكاتمه وجعك جوه منك
رافضه ليه تعيشي سنك
والذكريات رافضه ليه تودعيها ؟
________________________
حابسه نفسك جوه أوضتك
بالساعات
عايشه مابين صور ك
ومابين بواقي الذكريات
كاتمه دمعك
رافضه إنك
تشكِي همك
بتتألمي مـن سُكات
والخوف معشش بين ضلوعك
مستسلمه ورافعه ليه راية خضوعك
والحقيقه رافضه إنك تسمعيها
ولسّه شاغله كل فِكرك
وكاتمه وجعك جوه منك
رافضه ليه تعيشي سنك
والذكريات رافضه ليه تودعيها ؟
________________________
لحظه ممكن تسمعيني..
اللي فاتك من حياتك
مش هيرجع صدقيني
شاربه ليه مُر فـ كاساتك
رافضه ليه تشوفي نفسك
كارهه نبضك جوه قلبك
شايله روحك علي كفك
اللي فاتك من حياتك
مش هيرجع صدقيني
شاربه ليه مُر فـ كاساتك
رافضه ليه تشوفي نفسك
كارهه نبضك جوه قلبك
شايله روحك علي كفك
طب ذنبه إيه ؟
اللي مادد إيدُه ليكي
واللي شايلك جوه قلبه
واللي نفسه يحميكي
واللي مسميكي حُبه
اللي مادد إيدُه ليكي
واللي شايلك جوه قلبه
واللي نفسه يحميكي
واللي مسميكي حُبه
إنتي إيه؟
إنتي ليه غاويه العذاب
ليه بتبيعي اللي شاريكي
وقافله بين قلبك وبينه
١٠٠٠باب
وفاكره ليه اللي ناسيكي؟
______________________
إسمعيني ...
لملمي اللي فاضلك
مـن بواقي حلم ضايع
إهجري وإنسي اللي بايع
دي الحياه قاسيه جايز
وعمرها مابتدي عايز
_____________________________
لو عـ الصُحاب صعب تلاقيهم
فلو يوم إتخدعتي فيهم
صاحبي نفسك وعيشي ليها
وخبريها..
تكون وفيه جدًا ليكي
وتمسح هيّ دموع عنيكي
وتعيش حياتها و بس ليكي
أخدتي إيه مـ الصُحاب
عيشتي ليهم كل وقتك
شفتي فيهم أمك وأختك
ووقت ماإحتاجتي ليهم
كله فـ لحظه بعد وغاب
حتي اللي خبيتي أسرارهم
وإتوجعتي بجد منهم
بعدو وطوّلو الغياب
____________________________
لملمي اللي فاضلك
مـن بواقي حلم ضايع
إهجري وإنسي اللي بايع
دي الحياه قاسيه جايز
وعمرها مابتدي عايز
_____________________________
لو عـ الصُحاب صعب تلاقيهم
فلو يوم إتخدعتي فيهم
صاحبي نفسك وعيشي ليها
وخبريها..
تكون وفيه جدًا ليكي
وتمسح هيّ دموع عنيكي
وتعيش حياتها و بس ليكي
أخدتي إيه مـ الصُحاب
عيشتي ليهم كل وقتك
شفتي فيهم أمك وأختك
ووقت ماإحتاجتي ليهم
كله فـ لحظه بعد وغاب
حتي اللي خبيتي أسرارهم
وإتوجعتي بجد منهم
بعدو وطوّلو الغياب
____________________________
ولو عـ الحبيب
إفهميني
لو بيحبك هيحبك زي ماإنتي
هيقربلك مهما بِعدتي
مستحيل هيسيب إيديكي
أو يصدق حد غيرك
ولو فـ مرة غار عليكي
هتبقي غيرته حب ليكي
هيحنلك وقت البعاد ..ويشتاق إليكي
مستحيل إنه فـ يوم عنك يغيب
أو يقولك ..كل شيئ قسمه ونصيب
_____________________
ولو عـ الحياه
كل حزن فيها قصادُه فرح
وكل فرح بداوي جرح
فإكتمي الآه اللي طالعه بوجع
وصِي قلبك مهما إتوجع
يبان قوي ويكون جدع
وإرمي كل الخوف وراكي
إنسي كل اللي نساكي
_____________________
كل حزن فيها قصادُه فرح
وكل فرح بداوي جرح
فإكتمي الآه اللي طالعه بوجع
وصِي قلبك مهما إتوجع
يبان قوي ويكون جدع
وإرمي كل الخوف وراكي
إنسي كل اللي نساكي
_____________________
إرحميني ..
بتصدّي ليه ؟
قلب حابك من زمان
ورغم بُعدك مستنيكي
نفسه يكونلك الأمان
نفسه إنه يحميكي
فكوني ليه أجمل بدايه
والنهايه فـ علم غيب
جايز يكونلك هوّ حبيب
ويكون ليكي أجمل حكايه
___________________
بتصدّي ليه ؟
قلب حابك من زمان
ورغم بُعدك مستنيكي
نفسه يكونلك الأمان
نفسه إنه يحميكي
فكوني ليه أجمل بدايه
والنهايه فـ علم غيب
جايز يكونلك هوّ حبيب
ويكون ليكي أجمل حكايه
___________________
إسمعيني ..
إنسي كل حزن فاتك
وعوضي اللي ضاع من حياتك
وإوعديني ...
تشوفي نفسك فـ المرايه
وتعشقيها ..وتهتمي بيها
عيشيها..وعيشي بيها
حكاية سعيده
وأحزانك ودعيها
وإكتبي رواية جديده
كوني إنتي البطله فيها
❤
إنسي كل حزن فاتك
وعوضي اللي ضاع من حياتك
وإوعديني ...
تشوفي نفسك فـ المرايه
وتعشقيها ..وتهتمي بيها
عيشيها..وعيشي بيها
حكاية سعيده
وأحزانك ودعيها
وإكتبي رواية جديده
كوني إنتي البطله فيها
❤
ليست هناك تعليقات:
إرسال تعليق