انشودة الحياه
بقلمى سمير الجمل (الشلال)
(4)
أبن البلد سيد حفنى
صورته لم تفارق حيالى ولا جفنى
اسمه كان سيد وابوه كان اسمه حفنى
صورته ماتختفى من بالى ولا جفنى
كلامه كله عجب يعجبنى ويتحفنى
كل مواقفه رجوله مهوله بتكيفنى
عيون لماحه وصراحه بالفكر تتفجر
فى حل كل المشاكل ما يبطل يفكر
تلاقاه يلاقى مشكله يشبه كتير السهم
يحل اجعص حكايه فعل مش بالوهم
*****************************
سيد حفنى
صورته لم تفارق حيالى ولا جفنى
اسم فى الحتة عظيم الجاه
الكل يعرفه والصغير يتهجاه
تسلم عليه البيوت لما تلقاه
والايادى تنادى عليه وتترجاه
مع كل تعبان لحد ما يرتاح
تلقاه يعزى ومبيت فى ميت
وسعيد لما تفرح الافراح
فى الاغانى تسمعه يدندن
فاهم وواعى وسابق ومتمدن
*****************************
سيد حفنى صورته لم تفارق حيالى ولا جفنى
مهما قولت عنه كلام اوعاكو تفكره وهم
كان راجل معدنه دهب واصله شهم
مهما اقول عنه او اتكلم
كان لما ينزل بيدحرج النور على السلم
كلامه قليل ينظر والكل يسمع لما يتكلم
مدرسه والتلاميذ من موقفه تتعظ وتتعلم
مع الصنايعيه اسطى ويا العمال معلم
فاتح للغريب داره واخ لكل من جاره
فارد جناح الوفا والدفا لكل من زاره
مسامح و للى بيخطئ وينسى اوزاره
بيعذر المزنوق ويتقبل كل اعزاره
سيد حفنىصورته لم تفارق حيالى ولا جفنى
ليست هناك تعليقات:
إرسال تعليق