لابس قناع الشرف
للشاعر / جاسر البيومي
للشاعر / جاسر البيومي
-------------
كلام زي الدهب غالي
مفهوش عوج وكسور
أشهد شهادة حق أنا
من غير م ألف وأدور
الواطي واطي مهما علا
بين البشر ، مكروه منفور
والأصيل سليل الأدب
ما بين الجميع منصور
ينصر الحق ويصون العهد
ومن فضل الكريم مستور
إحنا في زمنا ده الندل
فيه باشا ولايق عليه الدور
لابس قناع الشرف والأدب
وبالخفا عايش طرف وفجور
عيشة أسود بتسود وتحكمنا
م هي غابه والضعيف معذور
سلطة وجاه ونفوذ وفلوس
وبدلة شريف متفصله ع الدور
وفقرا مش لاقيه الرغيف بضمير
نضيف عايشه العذاب بالدور
تدوق المرار والزل وعمرها
ما تمل وأملها بربها محصور
العدل تاه في زمن الظلام
غطاه وأخد من النفاق دستور
بقلم / جــاســر البيـــومي
ليست هناك تعليقات:
إرسال تعليق