بقلم الشاعر / حسام ابوحمدالله
حقى فين
(حقي فين)
حقي فين متقوليلي
حقي فين
ردي عليا وفهميني
حقي فين
حقي يابلدي ضايع يابلدي
قصاد عيوني
انا ليا فيكي ولا مليش
مش عارف اعيش
ولوجيت في يوم نطقت
يخرسوني ...
فهميني ...
فهميني لا حد إمتى
لاحد إمتى هفضل مليش
فيكي كرامة ؟؟؟
اناالمصري اللي ضحيت
وفي البلاد
معروف بالشهامة
أصبح دلوقتي يا بلدي
مليش فيكي قيمة
نهبوا حقي
نهبوا حقي ومصوا دمي
متقوليلي انتي أمي
ولا مين ؟؟؟
ريحيني حقي فين ؟؟؟
أنا بشتكيلك
انتي أمي وحاسة بيا
انتي وطني ونبض قلبي
ونور عنيا ...
لو يرضيكي اللي بيحصلي
إنكساري وألمي وذلي
أنا هبقي راضي
وحاعيش في صمت
طول حياتي
ويعذبوني .. يقطعوني
وبسولار يولعوني
هكتم في صوتي
ولازم أبقي راضي
ما أنا عشت ليكي
وعمري كله ضاع عليكي
ومنتظرتش أي شكر
بلعكس فخر
لما أضحي لجلك انتي
وأموت فداكي
بس أعرف .. نفسي أعرف
انتي مغلوبة علي أمرك
ولا كل ده بأمرك
وبرضاكي
بقلم الشاعر / حسام ابوحمدالله
ليست هناك تعليقات:
إرسال تعليق