البس نظارتك../ بقلمي/ هدي غريب

البس نظارتك..

البس نظارتك علي وشك
وداري عينك
كدبك اهو بان وكشف غشك
وظهر عيبك
لا القلب هايقدر يتحمل
ولا يوم من ظلمك يتألم
ولا يقدر ينكر انه ف يوم
قال ده حبيبك
البس نظارتك
داري عيونك عن عيني
مش قادره اشوف فيهم
غدر سنيني
ولا قادرة اقول
قد ا يه كنت اناني...
داالقلب ياما شاف منك ياااه
ويوم عن يوم كان بيداري
جواه ميت اه
دلوقتي خلاص بقي مش قادر
منك لله
البس نظارتك
يمكن تقدر تخدع غيري
ياما ناس بتشوفك حاجه تانيه
قادر تخدعهم بهدؤك
وكلام معسول زاين ذوقك
لكن انت اما تقرب منهم
هيشوفوا حقيقتك وف ثانيه
البس نضارتك...
هدي غريب