الابتسامة الحزينة ...
بقلم \ الشاعر عبدالعاطي حسين
~~~~~~~~~~~~~
الضحكة ع ألشفه *** والقلب فيه مية آه
والحزن لو يخلص *** أحزان بتيجى ورآه
الضحكة دى سكر *** بس المرار جواه
*************************
اتعبنى الحزن فخبأني داخل عيناك ألبنيه
واتركني فيها أعواما تنسيني زمن ألهمجيه
لا تغمض عيناك ودعني أطير كعصفوره بريه
***************************
الضحكة طالعه م القلوب بس مجروحه
واذاى أطلعها صافيه وهى مدبوحه
اكتب اغانى الفرح ألاقيها ممسوحه
**************************
أمانه يا عين تسامحيني
على الدمع اللي مش دمعي
وع الحزن اللي مش حزني
وع العمر اللي مش عمري
******************
كأن العمر مستلفه من الدنيا
ومش عارف أسددها
ولا أسدد فوا يدها
ولا ارجع اللي راح منى
ولا اغفر للي ظالمنى
ولا سلفي بقى ينفع
ولا دينى فى يوم يرجع
لأنه خلاص ما ينفعشى
يرجع شب من تانى
وأبقى جهول وانانى
لو افكر فى لحظة طيش
ان العمر هيرجع للورا تانى
لأنه خلاص بقت احلامى
لا تقدم ولا تأخر
ولا تعبر عن اللي فى
ولا تغير من المنظر
ولا اقدر افرح ألضحكه
ولا اعرف يوم أنام من
غير ما أتحسر
بقلم \ الشاعر عبدالعاطي حسين
ليست هناك تعليقات:
إرسال تعليق