غصب عني ...
الشاعر عزالدين جبريل
ياه رجعت تانى تدبح
ولا انت اللى اندبحت
كنت حابس احساسك
والنهارده ليها بحت
تقدر تقولى سكت الكلام
ولا من الشوق سكت
دلوقتى ليه بتندم
ما كنت م الاول سكت
فضلت م الاول تحوش
ودلوقتى ليها بعت
بعت احساسك مشاعرك
بعد ما صحيت من حلمك
تقدر تقولى مين يضمك
كنت عايش تحلم وساكت
وطول زمانك ما حد حسك
قفلت كل البيبان فى وشك
عزبتها وعزبت معاها نفسك
هقولك كلمة صراحه
علشان بحسك مش هغشك
اقفل الباب وخد فى وشك
خد عزالك ومنيها اهرب
انت طول عمرك تجرب
انما هى مجربتش
انت حبيت ميت مره
وهى بالحب مره محستش
عشت الدنيا مره حلوه
وعشتها مره مره
وهى طعم المراره
اللى فيك متعرفش
لو بايدى انسينى لها
اقتل بايدى حبها
ولو ينفع كلامى
كنت اروح اتآسف لها
واعيش لوحدى فى ليلى
وابقى مجنون حبها
مهو غصب عنى
كتر الحاحها على
خلانى اصدق واقولها
انه غصب عن قلبى حبها
………………
الشاعر عزالدين جبريل
ليست هناك تعليقات:
إرسال تعليق