عاشق وطن …
بقلم / محمد عميره
~~~~~~~~~~
حبيبتي ياللي ما شوفت منك
طول حياتي
اﻻ تكسير الضلوع
وتقابلي شوقي ولهفتي بجراح
وهم ف غربتي
انسي الرجوع
متغربين جواكي وبنهواكي
كل ما يجينا اﻻمل
تطفي الشموع
مدي القلوع في سماكي يمﻻ هواكي
كل شراع
ونمسح ف الدموع
وشوقنا لحضنك الدافي وشمس نهارك الصافي
هاتستر عبدك الحافي
وننسي الجوع
ونتجمل ونتحمل بطوبه وزلطه هانكمل
ونبدأ يومنا م اﻻول
بحلم جديد
يا اننايه وهننايه وقمره وعايشه ف سمايه
وشايلك جوه جوايه
وقلبي عليل
يا شايفه الذل جوايه .. وساكته وراضيه بأسايه
باحبك وانت ضﻻيه
في حضن النيل
ومهما تكوني يا بﻻدي هاغني واقول لأوﻻدي
حب الوطن دا مش عادي
ومصر بخير .
بقلم / محمد عميره
ليست هناك تعليقات:
إرسال تعليق