كُنت بحلم...!!
بقلم / ملكة الصمت حب الله
~~~~~~~~~
كُنت بحلم أبقي صوتك
ويبقي إسمي جنب إسمك
كُنت بحلم أمحي خوفك
ويبقي نبضك جوا قلبي
ويبقي نبضي جوا قلبك
كُنت منّْـي وكُنت حاسه إني منك!
كنت بحلمـــ أبقي طول العمر جنبك
وتبقي سندي وأبقي عونك
كنت بحلمـــ تبقي شمسي وأبقي كونك
حتي إسمي عرفت معناه الحقيقي
من حنان قلبك
وماحستوش غير لما سمعته منك
فهربت من يئسي وجيتلك
كنت حلمك وكنت حلمي
عيشتني حلمــ جميل فـ أوله ..
فرحت أنا صدقت حلمي
كنت فاكره إني يعني هكمله
نسيت أنا إن القدر قادر فـ لحظه
يبدل الحلم الجميل ويحوله
وسألت نفسي بمعني إني سألتك إنت
ليه كل حلم أنا بحلمه نهايه خوف ؟
أبطل أحلمـــ أنا جاوبني وإعمل معروف !؟
جاوبتني عاشقك أنا (بس الظروف )
بتحط جوا الحلم خوف !!
فضحكت من غلبي..
طب كُنت سيبني
أعيد الحلم تاني من أوله..
كُنت سيبني جايز كُنت هكمله
لكن إنت حتي إنت مارحمتنيش
سبت قلبي عايش بخوف مابينتهيش
ماسمعتش منك غير :
عاشقك أنا بس الظروف!
بتحط جوا الحلمــ خوف
ياحبيبتي لا ما تحلميش!!
#ملكة_الصمت_حب_الله
ليست هناك تعليقات:
إرسال تعليق