قصيدة بعنوان((يازمني))
بقلم الشاعر((عرفات الامير))
مصر/قنا/٢٠١٦/١١/٨/الثلاثاء
!!!!!!!!!!!!!!!!!!!!!
دور بينا يازمن وارجع كدا كدا من تاني
انا نسيت ف حضن الماضي حبيب ايامي
حلفتك ترجع له بسرعة البعد كواني
لو فكرت ف مرة ف وصفه يخوني كلامي
عيني بتشوفه الجنة وخيرها فرح وغناوي
اما الودن بتسمع صوته نغم رباني
وانت ياقلبي قول واشديني وقول من تاني
انت حبيبك شايفه قمر ونغم وسهر واماني
وانتو ياخلق ياهوو خمسوا كبروا دا العشق الغالي
لحسن عينكو تخلي احواله عكس احوالي
هي النظرة دايما فالقة النجم العالي
هو الحاجة الحلوة ف مر ايامي
دنا من قبله عشت ايام سكرها مراري
اما ياعين من بعد ماشفته اعدل ياميزاني
وصار لي حكاية بين العشاق تتغني غناوي
قالوا مجنون ساب لنا مجنون ف العصر الحالي
قالوا غنوله موال اضحك يازماني
!!!!!!!!!!!!!!!!!!!!!!!!!!!!!!!!!
ليست هناك تعليقات:
إرسال تعليق