(سميتك حبيبتي)
بقلم / ملكة الصمت
~~~~~~~~~~
حبيبتي إنتي ولو إني مش حبيبك ..
فـ قلبي إنتي مهما تغيبي أو تبعدي
وبدعي ربي أكون من نصيبك
وهفضل أحبك مهما تقسي أو تعندي ..
بحس بجروحك فـ قلبي نار
وإنتي فـ حياتك مش قادره تاخدي ليه قرار
كل أما أشوفك متعذبه ببقي ف حالة إنهيار ..!
إنتي ليه مش قادره تفهميني !؟
وليه كل ماأحاول أكلمك بـ تُصديني
أنا بجد منك محتار !
ليه رد فعلك كله جااااارح
وليه رافضه تشوفيني رغم إني فعلاً واااااضح؟
فهمت كل البشر حواليا وإنتي ليه ياحبيبتي مش مفهومه ؟
تتكلمي أو تثوري أو تصمتي مش قادر أطلع منك بمعلومه !
إنتي كـ بحر بيبقي هادي وفجأه موجه بيعْلي
حتي الدُنيا قربت أفهم حاجات كتير فيها وإنتي ليه يا حبيبتي مش مفهومه؟
إنتي ليه بتعيشي ماضي مش هيرجع ..؟
إنتي ليه كـ طفل رافض للصح يسمع ..؟
بلاش عنيكي ياروحي تدْمعْ
ومنتظره ليه لـ اللي مش هيرجع
ورافضه اللي مادد إيدُه ليكي
نفسه يبقي سندك ومن نفسك يحميكي
ورغم إنك بتصُديه لكن قلبه باقي عليكي
كفايه حُزن وإفتحي لقلبك ياقلبي يعيش
لو مهما تخبي حُزنك عني عيونك مابتخبيش
وإمسحي دموعك ياعُمري ماتوجعنيش
ولو رافضاني أنا بالتحديد ..
أنا هبعد عنك بعيد
وكفايه بُكي وبطلي تنهيد
ورغم إني قلبي منك إنجرح
يوم ماأشوفك عايشه الفرح
اليوم دا بالنسبالي عيد
إمضاء..
أنا اللي مش حبيبك
أنا اللي راضي بحيرتي
أنا اللي مش قادر يسيبك
أنا اللي سميتك حبيبتي
تتبع ......
#ملكة_الصمت_الله
ليست هناك تعليقات:
إرسال تعليق