مونولوج { صونوا النعمه }
للدكتور/خالد عبدالحميد خربوش
••••••••••••••••••••••••••••••••••••••
فيه موضوع دلوقتى خطير
مـحـتـاج مـنـَّا يا نـاس تفكــيــر
بعض شبابنا ماعادش بخـيــر
ده ســبـبـه حــبـــوب الــتـدمــيـــر
*********************************
شاب يقول لصديقه دى طعمه
دوغــرى يــقــلــده تـقـلـيـد أعـــمى
ربى واهبكوا عقول ودى نـعمــه
صــونــوا الـنـعـمـه مـن الـتـخـديـــر
*********************************
شـوفـوا الأغـرب م الـخـيــــالات
قـالـوا دا كـيـف يـعـدل مـزاجات
نـصـحـى عـلـيـه.قـال إيـه.ونـبـات
هــَدَم الــصــحــه بـشـكـل خــطـيـــر
*********************************
مــش عــيــب مــنــهــم بـالـتـحديـــد
الـعـيـب جـاى م الأسـره أكـــيــــد
عـامـلـوا ولادكـوا بـدون تـعـقـيـــد
وإدُّوا مـــســـاحــه مـن الــتـعـبــيــــر
**********************************
الدكتور/
خالدعبدالحميدخربوش
من ديواني المعنون:
[ونصبت لنفسي الفخ]
ليست هناك تعليقات:
إرسال تعليق