أنا العربي ...
جاسر_البيومي
------
لما الطغاه تحكم وتتمكن
وصوت الضمير يخرس ويتسكن
تصرخ بكل ما فيك يا خلق
أنا عربي مقتول ودا قبري
بدوء م العذاب أنواع
وبشرب من مرار صبري
تعبت اقول حرام وكفايه
بلاد وبلاد بتتمنى لحظة فرح
دا حتى الظلم له نهايه
راح كل شئ وإيه باقي
غير الصراخ والويل
وبيوت بتتهد تقلع بلاط الأرض
تهجير وموت وخراب
يخلي أكبر كبيرنا زليل
أنا العربي
وبقولها وبنفس مسكوره
كنا زمان اخوات
وبنجتمع بالشدة والأزمات
نغفر كتير زلات
علشان بلادنا بقلوبنا محفوره
أصبح كل اللي بينا خراب
نزرع فتن نقتل وطن
ونساعد الأغراب
مات الضمير والحسره جوانا
يا فرقا أتهدي ولحد فين واخدانا
ومهما نداوي بجراحنا فشل كل العلاج بدوانا
وأتفرقو الأحباب
لو بس يجمعنا
دين واحد يجمعنا
كان حالنا يتغير
والكل يعمل
لحسابنا ألف حساب
أنا العربي
راح عمري في حلم عروبه
متعلق بأمال تايهه وإرادة مسلوبه
أنا مصري وابن النيل
أنا فلسطيني ومفيش لقدسي بديل
أنا عراقي ودمي يسيل
أنا ليبي وقلبي عليل
أنا سوري قتيل وزليل
أنا يمني وشفت الويل
أنا عربي
ودي أرضي
ومهما تعملو فينا
هتفضل أغلى شئ عندي
أنا عربي
#جاسر_البيومي
ليست هناك تعليقات:
إرسال تعليق