زجل
(آجي أسلم)
بقلم / حربي علي
~~~~~~~~
آجي أسلم تقولي جاي
تبعد تعلم جروح وناي
ولما أضلم أجريك وراي
علشان بحبك تروح بعيد؟
آآسي بعدك ونار تزيد؟
أنادي ودك ألقاك عنيد
أستنى ردك يغيب نداي
آجي أسلم تقولي جاي
ف الحديت أستاذ / غرام
ولو ناديت أشوف ظلام
عامل حبيت وتقول سلام
ولما إشتكيت بكيت معاي
آجي أسلم تقولي جاي
تهجر _ أهجر بذمة وأدب
خيالك مايظهر وإنت السبب
تعشق _ أنور وأجبلك دهب
وإن جيت تقدر أسقيك شاي
آجي أسلم تقولي جاي
(آجي أسلم)
لحربي علي
شاعرالسويس
ليست هناك تعليقات:
إرسال تعليق